हेली ए आज पूनम वाली रात, चालोनी सतसंग में ।।टेर।।
हेली ए सतगुरु मिलिया दयाल, भिगोय दिनी रंग में।
हेली ए चालोनी गुरांसा री हाट, ज्ञान बुद्धी लावणा।।१।।
हेली ए सतगुरु पूछे है बात, अखण्ड कंवांरी क्यूं रही।
हेली ए सुरता जोड़े है दोनों हाथ, गुरांसा माने सांची कही।।२।।
हेली ए देश फिरिया ने परदेश, जोड़ी रा वर नहीं मिलिया।
हेली ए मिल गया बहु सारा लोग, वांसू तो मन नहीं मिलियो।।३।।
हेली ए देश फिरिया ने परदेश, गिगना बिच जाय खड़ी।
हेली ए मिल गया जोड़ी रा भरतार, वांसू तो मन मिल गया।।४।।
हेली ए झटपट कागदियो मंगाय, लगनिया लिखावणा।
हेली ए सुरता रो करनो है ब्याव, देरी ओ नहीं राखजो।।५।।
हेली ए गिगना में मांडियो है ब्याव, त्रिवेणी तोरण बांधियो।
हेली ए सतकेरी चंवरी मंडाय, हरि सुं हथलेवो जोड़ियो।।६।।
हेली ए डायजा में दिया पद चार, गेणां रो छेह न पार नहीं।
हेली ए घणां दिन रही है लुम्भाय, पिहर बैठी बाप रे।।७।।
हेली ए अब नहीं मिलणो होय, पिहरिया रा लोगां सूं।
हेली ए सुरतां जोड़े ए दोनों हाथ, घरां ए चालो आपणे।।८।।
हेली ए कहत 'कबीर सा' आयके, नहीं रैणो चौरासी मांय।
हेली ए अगम घर आपणो, घरां ए चालो आपणे।।९।।
Heli Sankhya-4
Heli ae aaj punam wali raat,Chaloni satsang mein.
Heli ae Satguru miliya dayal,Bhigoye dini rang mein.
Heli ae chaloni guransa ri haat,Gyan buddhi lavna.
Heli ae Satguru puche hai baat,Akhand kanwari kyun rahi.
Heli ae surta jode hai dono haath,Guransa mane sanchi kahi.
Heli ae desh firiya ne pardesh,Jodi ra var nahi miliya.
Heli ae mil gaya bahu sara log,Vansu to man nahi miliyo.
Heli ae desh firiya ne pardesh,Gignaa bich jaay khadi.
Heli ae mil gaya jodi ra bhartar,Vansu to man mil gaya.
Heli ae jhatpat kagadiyo mangay,Laganiya likhavna.
Heli ae surta ro karno hai byav,Deri o nahi rakhjo.
Heli ae Gignaa mein mandiyo hai byav,Triveni toran bandhiyo.
Heli ae satkeri chanvari manday,Hari sun hathlevo jodiyo.
Heli ae dyaja mein diya pad char,Gena ra chheh na paar nahi.
Heli ae ghana din rahi hai lumbhay,Pihar baithi baap re.
Heli ae ab nahi milno hoy,Pihariya ra loga su.
Heli ae surtan jode ae dono haath,Gharan ae chalo aapne.
Heli ae kahat 'Kabir Sa' aayke,Nahi reno chaurasi may.
Heli ae agam ghar aapno,Gharan ae chalo aapne.
